.. اللوحة ..
بسمتك طلعت الشمس
لك بالمساء صورة وصورة مع النور
ياللي جمالك يجمع اليوم بالامس
يرسم على ضحك الفجر
صوت عصفور
.. فرح ..
كتبتك بالعمر
ماضي
ومستقبل
رسمتك بسما
تاضي
مالك ظل
حبيبي انت .. وبوجودك امل باجر
ومن دونك
عمر هالفرحة
ماتكمل
.. حزن ..
اطالع بالكتب وادرس
واسامر فكري العطشان
اقلب صفحت الفهرس
ادور للفرح عنوان
.. وداع ..
لا توقع اني ارجع
لا تقول
ما ابي اسمع
انا كفاني اللي جاني
وضربتين بالراس توجع
.. عادة ..
الحب وفاه الاجل
من فعلتك واللي حصل
لا تلوم يوم اني ابتعدة
جزاك من جنس العمل
.. فراق ..
حاول تناسا
ماضيٍ كان وياك
لا عاد تذكرني .. ولا عاد بذكرك
حاول تراني قلت من القلب
ما باك
دور على غيري يحبك ويستر
.. ندم ..
عض اصبعك
انا
قطعت اصبعي
صفحت ندم
صرنا نقرها ندم
انسى زمن كنت به
كلك معي
ماتت رئة
عشت داخلها
هواء
.. بشرى ..
تنفس
واجرح الضيقة
وجرد عتمت الانفاس
ولون ماضي
الذكرى
بعطر
القادم الأتي
تجاهل كل من حاول
يساوم عزتك والباس
ولو كانت
خيالاتك
تحاورها مواساتي
اطاولك الخفوق بكف
واحط بالثاني
كل الناس
وكل مافيني يخضعلك
وحبك لي
ملا ذاتي
اموت اموت
في قربك
وحبي ماحوا
مقياس
احبك من بدياتي
الى اخر نهياتي
.. بكاء ..
جابتك الايام
لقدامي
وانحني يالله
وقبلها
وافرش الاعذار
قدامي
ثم
ترجاني انا اقبلها
غصب عنك غصبك عنك
يالجاني
ينكسر عزك
ويتنثر
جرح خدودك
بكاء حسرة
وامسح بنفسك وغربلها
.. غدر ..
ياللي بعت المحبة
بالغدر والخيانة
وش
بقى في حياتك
بعد حبي
معاني
اخذت كل الاماني
يوم حبي امانة
لا بقت لك
امانة ولا بقت لك اماني
No comments:
Post a Comment