غابت عني ولا ادري وش حالتها
ولا أدري وشلون قلبي بتنام عيونه
قلت أقوم أنشد عنها بنـت خالتهـا
عله يرتاح قلب تلعب فيـه ظنونـه
صدت عني ما تبيني أشوف دمعتها
قالت ياولد البنت بالعـود مدفونـه
ماتت وغابت بالسما أحلى نجمتهـا
وحزن النجم والقمر إنخطف لونـه
ماتت ومات بالحديقة أغلى وردتها
وبكى الشجر والزهرقاموايرثونـه
وقفت مذهول وزاد بجسمي رعدتها
وقفت صامتن وعقلي جنت جنونـه
رحت المقابر علي الحق جنازتهـا
لقيتها مكفنه وقبرالبنـت يحفرونـه
وصلت المقابر ومحدن فيه حرتهـا
غير امها وأبوها وأخوها يعزونـه
شالوها يبغون يحطونها بحفرتهـا
وغطوها بالتراب وقلبهـا يدفنونـه
لولا خوفي من الله ثـم فضيحتهـا
لأقول هالبنت جسمهـا لا تدفنونـه
إلتفتلي شخص أظنه من جماعتهـا
يقول هالولد علامه تبكـي عيونـه
غمضت عيني ماأبي تـزل دمعتهـا
بس بان الحزن والناس يشوفونـه
وإنزلت دمعة من قـوة حرارتهـا
احرقت خدي وخلته احمـرن لونـه
قلت انا اللي روح روحـي فدتهـا
قلت انا من روحي وقلبي يفدونـه
قلت انا من تركتني وحيـد بدنيتهـا
وانامن عشقها وحبها دايم يصونـه
أحبها واسالو عين ياكثر ما بكتهـا
و اسألوكل هالبشروهالعالم وكونه
أبيات شعري يا ما ويا مـا تغنتهـا
تقول أبيات شعرك قلبي يطربونـه
من لام روحي عله يعيش حسرتها
ويعيش طول الدهر تبكـي عيونـه
يا لايمين قلبي شوفـوا صورتهـا
بعدها تبون تلومونه لكم تلومونـه
ما أبي غيرها أبي أسعـد بضمتهـا
ماأريد غير قليبي تنجلـي حزونـه
فوق قبر هالبنت تعالـت ضحكتهـا
يا عسى قبر البنت بالسما يرفعونه
لعنبو عين عقبك ما تحدر دمعتهـا
ولعنبوخلقن كان إسمك ما يطرونه
لعنبو روحي كان تكتمـل فرحتهـا
ولعنبو الحزن لو فارق يوم بسجونه
روحي فقدتها ودموع عيني رثتهـا
بأبيات شعر مكسرة ماهي بموزونه
يالله يا كريم تغفر لها كـل زلتهـا
وتغفرلها ذنب كل المـلا يقترفونـه
يا كريم إجمعني بها بجنـة عدتهـا
حج البيت والصيام وخمس يصلونه
يا ليتني ساكن اليوم بوسط حفرتها
وروحي بجنب روحها اليوم مدفونه
No comments:
Post a Comment